Syrtqy ister mınıstriniń orynbasary Roman Vasılenkonyń Ulybrıtanııaǵa sapary qazaqstandyq delegasııanyń Halyqaralyq qatynastar jóninde Eýrazııalyq keńestiń (HQEK) 5-shi otyrysyna qatysýymen aıaqtaldy. Atalǵan is-shara Eýroodaqtyń syrtqy baılanys boıynsha burynǵy joǵary komıssary jáne HQEK Konsýltatıvtik keńesiniń qazirgi Tóraıymy Benıta Ferrero-Valdnerdiń tóraıymdyǵymen ótti.
«О́zderińiz biletindeı, qazan aıynda Prezıdent Nursultan Nazarbaev Brıýsseldegi ASEM sammıtinde sóz sóılep, halyqaralyq arenadaǵy senim jáne dıalog daǵdarysy jaıynda alańdaýshylyǵyn bildirgen edi. Osynda jınalǵan bedeldi eýropalyq saıası qaıratkerlerge Prezıdentimizdiń ózara senimdi arttyrý sharalaryn nyǵaıtý jáne Astanada aldyńǵy qatarly álemdik derjavalar kóshbasshylarynyń kezdesýin ótkizý jaıly bastamasyn egjeı-teshjeıli talqylaýdy usynamyn», – dedi R. Vasılenko otyrysta sóılegen sózinde.
Qazaqstandyq dıplomat kezdesýge qatysýshylardy Ortalyq Azııa memleketteri arasyndaǵy jáne atalǵan elder men Eýropalyq Odaq arasyndaǵy qarym-qatynastardyń jaǵymdy dınamıkasy týraly, sondaı-aq EO-nyń Ortalyq Azııa boıynsha strategııasy jóninde Astananyń birqatar jalpy ustanymdary týraly habardar etti. Sonymen qatar, ózara baılanys pen logıstıkaǵa, jeke kásipkerlikti damytýǵa (áıelder kásipkerlikti qosa alǵanda), zań ústemdigin nyǵaıtýǵa nazar aýdarý jóninde usynystar aıtyldy. Oǵan qosa strategııany neǵurlym qurylymdalǵan jáne júıeli usyný boıynsha jáne onlaın-keńistikte atalǵan qujat pen barlyq tıisti aqparatty nasıhattaý jóninde usynystar engizildi.
Otyrys nátıjesinde HQEK-tiń Eýroodaqtyń Orta Azııa boıynsha jańa strategııasyna usynystar qamtylǵan arnaıy baıandamasy tanystyryldy. Atalǵan strategııa 2019 jyldyń birinshi jartysyndla qabyldanady dep kútilýde. Baıandamada BUU, EO, EQDB, birqatar ýnıversıtetter, t.b. bedeldi uıymdar usynǵan materıaldar negizge alyndy. Qujatta EO-ǵa Orta Azııamen qarym-qatynasty damytýdyń 2020-2027 jyldarǵa arnalǵan baǵdarlamasynda maqsatty áreketterdi iske qosýǵa qatysty praktıkalyq usynystar bar. Atap aıtqanda, basqa usynystardyń ishinde EO-nyń Ortalyq Azııa boıynsha jańa strategııasy kelesi baǵyttardy qamtý kerek ekendigi atalǵan:
«Ortalyq Azııadaǵy [EO-nyń] múddeleri men básekelestik artyqshylyqtarynyń shynaıy baǵasyna» nazar aýdarý; Ortalyq Azııa elderine jalpy tásildemeni qoldanbaı, aımaqtyq aıyrmashylyqtardy nazarǵa alý; konferensııalar men dıalogtar negizindegi yntymaqtastyqtan ár Ortalyq Azııada memleketinde ótkiziletin praktıkalyq jobalar men sammıtter negizindegi praktıkalyq jáne operasııalyq tásilge kóshý; Ortalyq Azııa elderimen adam quqyqtary jónindegi dıalogty qurý jáne osy ýaqytqa deıin qoldanylǵan jáne shekteýli nátıjeler ákelgen «eýrosentrıkalyq» ustanymnan ketý úshin osy tásildi qoldaný medısınalyq qyzmetterdi, sot tóreligin jáne quqyq qorǵaý organdar júıesin jetildirý, sondaı-aq sybaılas jemqorlyqqa qarsy kúres sııaqty «jumsaq kúshterdiń» tıimdi bastamalaryna nazar aýdarý.Baıandamaǵa arnalǵan baspasóz máslıhatynda qujat avtorlarynyń usynystary men negizgi túıinderi talqylandy. Talqylaýǵa B. Ferrero-Valdner, EO-nyń Orta Azııa boıynsha arnaıy ókili Pıter Býrıan, Italııanyń burynǵy SIM jáne HQEK konsýltatıvtik keńesiniń múshesi Franko Frattını, EQDB-niń Reseı men Orta Azııa boıynsha basqarýshy dırektory Natalıa Hanjenkova, qazaqstandyq delegasııa ókilderi jáne brıtan jáne eýropalyq BAQ ókilderi qatysty.
HQEK – Orta Azııa boıynsha mamandanǵan táýelsiz uıym, onyń qyzmeti aımaq jaıly málimetterdi halyqaralyq deńgeıde taratý jáne Eýropa men Orta Azııa elderiniń ekonomıkalyq, ınstıtýsıonaldyq jáne saıası baılanystaryn nyǵaıtý. HQEK Konsýltatıvtik keńesiniń músheleri qatarynda birqatar burynǵy prezıdentter: Chehııa – Vaslav Klaýs, Polsha – Aleksandr Kvasnevskıı, Serbııa – Borıs Tadıch, Slovenııa – Danılo Tıýrk, sondaı-aq Norvegııanyń burynǵy premer-mınıstri Kell Magne Bondevık, Ulybrıtanııanyń burynǵy SIM Djek Stro sekildi t.b. yqpaldy eýropalyq saıasatkerler bar. Brıtan Parlamentiniń múshesi jáne sońǵy ýaqytqa deıin eldiń halyqaralyq damý mınıstri Prıtı Patel HQEK-tiń besinshi otyrysy barysynda HQEK Konsýltatıvtik keńesiniń jańa múshesi bolyp taǵaıyndaldy.